O 25 de novembro do 2019 mantemos  unha reunión co Alcalde na que tratamos distintos temas de interese veciñal que non tiveron resposta por parte da autoridade municipal:

1. POSIBILIDADE DE SOLICITAR Á XUNTA A UBICACIÓN DUNHA RESIDENCIA PARA MAIORES E CENTRO DE DÍA.

Considerando que somos o único Concello do sur de Lugo que non conta con ningún servizo público de atención aos nosos maiores, consideramos que está é a maior necesidade do noso municipio na actualidade.

¿ Hai intención por parte da nosa corporación en dirixirse á Xunta para solicitar esta dotación ?. Para elo o Concello podería comprarlle o solar á Deputación e ofrecelo en propiedade para iniciar a petición á Xunta.

Resposta: Afirma que o convenio para unha residencia firmado coa Deputación no ano 2011 aínda está vixente, e que o investimento aprobado de 1.200.000 € está garantido. A intención é conseguir esa residencia, dacordo co PsoE local, con 25 prazas e 23 do centro de Día. Respecto do edificio sindical, a Xunta valora en 90.000 € e o Concello considerao excesivo.

2. ESTADO DE CONTAS DAS FESTAS MUNICIPAIS.

Coa intención de conseguir transparencia nos gastos municipais consideramos imprescindible que as contas das festas se fagan públicas no taboeiro do Concello. Esas contas deberían ser pormenorizadas : Custo total das festas. Aportación do concelllo. Recadación das aportacións veciñais e de empresas. Recadación das atracións e postos. Custo das orquestas. Custo do folión e doutras actividades.

Resposta: Presenta un custo total de 66.000 €, as aportacións persoais: 16.482 €, o recadado das atracións: 5.150 €, publicidade e patrocinio de Celega: 1.500 €, co que o Concello aportou 42.868 €. Comenta que pola lei de Protección de Datos non se poden publicitar as aportacións nominais. Non considera necesaria a publicitación no taboeiro do Concello xa que estas contas foron presentadas nun Pleno municipal.

3. ADOPCIÓN DE MEDIDAS DE ORDENAMENTO DA CIRCULACIÓN NA ÁREA DA PRAIA DA COVA E ACCESOS.

Valoración das 5 propostas presentadas:

      – Proibición do acceso a vehículos maiores de 6 metros e sinalización da mesma en Belesar e no Priorato da Cova.

      – Pintado das prazas de aparcamento e da proibición de aparcamento nun dos dous lados da estrada.

      – Dende a zona baixo do churrasco e antes do acceso a Seoane establecer o sentido único da circulación, baixada polo Priorato e subida por         Soutomango e Arxuá. Garantir ós usuarios e propietarios o acceso nos dous sentidos ( sinalar a excepción ).

      – Colocar indicadores dixitais en Belesar e no Priorato da Cova que avisen cando o aparcamento está cheo para disuadir do acceso para evitar o colapso.

      – Valorar a opción dun servizo de trasporte cada hora ou media hora que faga o traxecto do Priorato á área da praia ( microbus , tren de tracción de vagóns ).

Resposta: Analizamos esas medidas propostas:

• Respecto á prohibición do acceso a vehículos maiores de 6 metros, acepta esta medida na temporalidade alta, non no resto do ano.
• Prohibición de aparacamento nunha das beiras da estrada e pintado das prazas de aparcamento. Totalmente dacordo. Afirma que non aporta mais de 35 prazas.
• Sentido único do tránsito entre O Priorato da Cova e a praia. Non o vé claro. Comenta a intención de facer rebaixes dun metro e apartadoiros en distintos puntos para facilitar o doble sentido da circulación.
• Ubicación de indicadores dixitais no Priorato e en Belesar que avisen da ocupación do aparcamento. Opina que non evitaría que quen quixera acceder o fixera e que poderían ter problemas con Tráfico.
• Opción dun transporte colectivo entre O Priorato e a praia. Cuantificao núns 12.000 € ó mes nos dous meses de temporalidade alta e non sería asumible polo Concello.

Comenta que lle encargaron a Abente un estudo das solución posibles.

Informa da intención dos Concellos de Saviñao e Pantón de continuar o corredor entre Belesar e a Cova ata a área de Maiorga, co que se abriría outra vía de acceso á praia que aliviaría a situación. Aconsellamos máximo celo con esta obra xa que podería ameazar seriamente a paisaxe, que é o argumento básico para conseguir o recoñecemento de Patrimonio da Humanidade.

Sigue leyendo →

O 24 de xuño facemos entrega no concello das queixas e solicitudes tramitidas polos veciños do barrio de Outeiro de Escairón. Reclaman atención urbanística no barrio:

1. Limpeza da rúa e das taxeas e os rexistros das augas residuais.
2. Creación de beirarrúas ou pasarelas peatonais .
3. Limitación da velocidade.
4. Desbroze da maleza das cunetas.
5. Dotación de máis contenedores de lixo xa que só hai ún no alto da rúa.
6. Solución ás edificacións en estado de ruína que ameazan derrumbe.
7. Presencia de árbores enfermas con risco de caída.
8. Rotura dalgúns desagües.

Ademais de rexistrar a entrada, entrevistámonos co novo Alcalde, trasmitíndolle as peticións e as firmas recollidas no barrio, un total de 43.

O club de patinaxe Campelas leva anos fomentando este deporte entre as distintas xeneracións que acolle ano tras ano, facendo un traballo encomiable nun deporte que non é maioritario, coas dificultades que elo conleva. Os éxitos que van conseguindo convírteno na mellor representación que hoxe en día ten a nivel deportivo o municipio do Saviñao. De feito ven de conseguir, coa escenificación dunha temática contra a violencia de xénero, a segunda praza nun certame internacional celebrado en Madrid no mes de marzo do 2019.

Nembargantes iste éxito e dedicación non están a recibir o trato que se merece por parte do Concello. Hai dous anos a corporación financiou a renovación da superficie da pista do polideportivo de Escairón, pero as características da pintura empregada fai imposible a práctica do patinaxe ó frear o deslizamento dos patíns. Este feito foi reclamado ó Concello polo propio clube, pero despois de todo iste tempo aínda non se modificou a superficie da pista. Como consecuencia o clube ten que desprazarse aos concellos de Bóveda e Chantada para realizar os entrenamentos, cos custos e contratempos que ocasiona ás nais e país das rapazas e rapazes das distintas idades.

Sigue leyendo →

        É non nos referimos só o seu precio , que foi incrementado dunha maneira alarmante polo Concello, senón  á desconfianza que xenera o toldosa e sucia cor  e aos custos extras que lle está supoñendo aos veciños as reparacións por esta causa.

     Dende hai tempo e dunha maneira puntual, pero reincidente, a auga do consumo sae sucia, e o Concello non parece tomar iniciativa para solucionar o problema, por elo a Asociación Veciñal do Saviñao dirixíuse á Alcaldía para trasmitir as queixas dos veciños pola mala calidade da auga da rede de distribución municipal.

        Un bó número de veciños acercáronse á asociación veciñal para trasmitir o descontento pola calidade da auga de consumo da rede de distribución municipal. En concreto refiren que en ocasións, coincidindo coas tempadas de tormenta ou de choiva intensa, a auga pública é obscura e opaca, non sendo apta para o consumo directo e aportando unha gran desconfianza para o uso culinario e ata para as funcións de aseo persoal comprobado como quedan sucias as toallas despois do secado corporal.

      Algúns veciños víronse obrigados a cambiar os filtros das caldeiras da calefacción por mor da cantidade de pousos que trae a auga da traída, ocasionando importantes custos nas reparacións e indignando á veciñanza que vé como se incrementou ultimamente o precio da auga, pero non se invirte nas solucións a este problema crónico.  Por elo

SOLICÍTASE do Concello:

         Unha adecuada inversion na renovación ou colocación dos sistemas de filtrado que sexan tecnicamente precisos, na entrada ou na saída das tuberías dos depósitos de almacenamento do monte de Santo Antonio, a fin de solventar estes problemas de sedimentos. Incluso valorar a necesidade de colocar filtros en cada un dos puntos de conexión ás vivendas. A calidade e salubridade da auga de consumo debe estar garantida, só risco de sofrir un serio problema de saúde pública.

         Esperemos que o Alcalde saínte faga unha última acción antes da súa retirada e invirta algunha parte de ese superavit que creou coa suba de todas as tasas e impostos para solucionar os problemas dos veciños.

         Escairón, a 18 de marzo do 2019.

O pasado luns 26 de marzo vimos de rexistrar no concello unha solicitude de mellora da seguridade vial no barrio de Cabreira en Escairón, despois de recollida a queixa formulada por veciños daquel barrio, Adxuntamos copia da solicitude.
EXPOÑENDO :
Recentemente recíbiuse na asociación unha queixa dos veciños do barrio de Cabreira pola velocidade coa que pasan o coches pola entrada a Escairón dende A Páxara, co perigo añadido da presenza dun paso de peóns próximo á panadería Avenida e á saída dunha curva.

Asemesmo relatan que a sinal que limita a velocidade a 40 está deteriorada e colocada nun lugar onde casi non se vé.
Tamén solicitan o cumprimento da proibición de estacionamento alternativo quincenal a cadaún lado da Avenida Buenos Aires, na proximidade do cruz e do Café Moderno. É evidente que a sinal actual a día de hoxe está tan oxidada que xa non se ven os números dos días que indicaban a proibición .

Sigue leyendo →

        Dado que xa pasaron dous meses dende que lle enviáramos ó Alcalde solicitude de intervención diante da empresa Gas Natural Fenosa, para que esixira correccións cara a evitar esta lacra enerxética, vemos como seguen a repetirse os cortes de luz sen solución, ocasionando custos e quebradeiros ós veciños, negocios e empresas do municipio. Por elo enviamos nota de prensa denunciando a pasividade da Corporación municipal.

Sigue leyendo →

        De novo temos que dirixirnos ó Concello para trasmitir a queixa dos veciños de Lamagrande en Vilelos pola presenza e crecemento progresivo dun vertedoiro ilegal na beira de estrada que comunica este lugar con A Besta.
Trátase dunha extensión duns 100 m.cuadrados de material na súa maioría plásticos agrícolas e algún escombro de obra.
Na data do 29 de agosto rexistramos solicitude da retirada de dito vertedoiro para evitar o seu crecemento e que poida convertirse nún foco de incendio. Adxuntamos fotos do mesmo.

        Este feito afonda na necesidade urxente da instalación dun punto limpo oficial onde os veciños poidan depositar escombro ou materiais de defeito das vivendas.

word– escrito

 

Na data do 10 de setembro do 2018, pasado un ano dende a solicitude de limpeza e vendo que o vertedoiro medra de novo, rexistramos nova solicitude de limpeza no Concello, así como da creación dun Punto Limpo que dé solución definitiva ós vertidos de obra e mobiliario.

Requerimento 2018.

Na data do 9 de setembro do 2018 a prensa comarcal anuncia que a Consellería de Medio Ambiente asumirá a limpeza dos vertedeiros incontrolados, un deles será este de Vilelos. Ademais tamén eliminará o lixo depositado nos dous puntos de vertido de plástico agrícola, o de Currelos e do Escairón. O seguemento e a actividade veciñal dá de novo os seus froitos.

        O Concello do Saviñao non só se inhibe nos contínuos vertidos contaminates da empresa láctea CELEGA ó río Pesqueiras, “ mirando para ó outro lado”, mentras teñen que ser os vecinos quenes insistan nas denuncias e defendan as condicións naturais do río. Agora compróbase como o Concello facilita auga da traida de forma totalmente gratuita, sin contador algún nin rexistro do gasto, para encher as enormes cisternas que logo serán lavadas e vertidas como residuais, sin a debida depuración.

          Pero non só regala miles de litros de auga, senón que o Concello creou hai poucos días  a rede de tuberías que derivan a auga da traída dende una arqueta aberta ó lado da caseta dos pozos, ata a beirarúa, onde instalaron outra arqueta e unha boca de acceso a auga , que facilite o enchido aos camións cisternas. Esto é na área recreativa da Lama de Escairón, fronte ó pavillón deportivo municipal. Adxuntamos dosier fotográfico onde se nota a zanxa do soterrado recenté da tubería, así como os dous rexistros , entre a caseta da Lama e a beirarúa.

         Este feito ten gravidade por canto é un agravio compartivo, e de favor a una empresa, respecto ó resto da veciñanza que sofre ano tras ano os incrementos na tasa polo consumo da auga da traída. Mesmo pode estar incurrindo nun delito de fraude e prevaricación administrativa doble: por un lado por permitir os constantes e diarios vertidos , e por outro por regalar miles de litros de auga da traída que logo irá a cargo dos bolsillos dos vecinos.

        Escairón a 28 de marzo do 2017. Ver anexo de fotos.

Sigue leyendo →

        O venres 24 de febreiro do 2017 rexistramos no Concello solicitude para dar solución a unha problemática que pode poñer en risco a peóns e a seguridade vial en Escairón . Trátase do cada vez máis crecente abandono de vivendas no núcleo urbano de Escairón, e da responsabilidade que pode recaer no Concello no caso de accidente por desprendemento de estruturas destas vivendas á vía pública.
Para evitar este risco, presentamos una relación de 7 vivendas que precisan de actuación inmediata. Algunha delas xa provocou en anos anteriores caída de cascotes da estrutura sin danos .
Adxuntamos copia da solicitude. Sigue leyendo →

Recibidas na asociación queixas dos veciños da rúa Celso Emilio Ferreiro de Escairón , polo alarmante incremento de ratas de gran tamaño nas proximidades das vivendas, cortes e negocios da zona, atribuídas á prolongada existencia de vertidos clandestinos  de lixo no punto oficial de recollida de plásticos agrícolas ubicado no lugar proximo de » Os Bulleiros «.

Comprobamos como o punto específico de depósito de plásticos convertíuse nun vertedoiro incontrolado de materiais de diversa procedencia . Así é apreciable o predominio de calquera outro tipo de material acumulado : cascallos de obra, palés, mobiliario urbano, trapos e tecidos, caixas de bebidas, etc. acumulados nun longo periodo de tempo.

Considérase que este é o punto de orixe da presenza de roedores, o que o convirte nun foco perigoso para a saúde pública , afectando gravemente á veciñanza . Sigue leyendo →