Solicitude á Deputación arranxo estrada Escairón – Ferreira
SOLICITUDE DO ARRANXO INTEGRAL DA ESTRADA ESCAIRÓN – FERREIRA Ó PASO POR RENDAL E LAMAQUEBRADA.
Reprodución da solictude dirixida á Deputación de Lugo o 14 de xuño do 2013:
A Asociación Veciñal do Saviñao, inscrita co nº 13651 no rexistro provincial de asociacións, a traves da súa presidenta Violeta Perez Figueroa con DNI 34.259.009 A, diríxese á Área de Xestión Territorial da Deputación de Lugo coa finalidade de
EXPOÑER:
Que na estrada de titularidade provincial entre Escairón e Ferreira de Pantón, concretamente entre o punto kilométrico 3.2 (pasado o cruz de Lamalonga) e ata o km. 4.5 (pasado o pazo de Lamaquebrada) contados dende o cruz que hai díante da gasoliñeira de Escairón, abríronse neste inverno unha gran cantidade de fochancas, que debido a súa profundidade (algún ten 10 cm. de fondo) está ocasionando accidentes e desperfectos de certa importancia nos usuarios de esta vía.
Tan só que se teña coñecemento na asociación, producíronse cinco siniestros nas dúas últimas semanas, dos que ó menos dous quedaron totalmente inmobilizados tendo que ser rescatados pola grúa con destrozos de importancia no neumático, disco e suspensión.
Advertimos do serio risco de que se produzan máis accidentes xa que nos días de choiva ditos buracos non se perciben ó estar nivelados pola auga. Por outra parte, moitos conductores nas maniobras evasivas para escaparlle a ditos baches, invaden o carril oposto poñendo en risco ós que circulan no sentido contrario.
O número de baches no tramo comentado, cunha profundidade certamente perigosa, é de 2 en dirección a Ferreira, e de 9 en dirección a Escairon.
Recordar que este problema repítese todos os anos nesta mesma zona e na mesma estación.
Queixas rebacheos inservibles
QUEIXAS POLOS CATIVOS E INSERBIBLES REBACHEOS DO CONCELLO
Na data do 7 de xuño do 2013 a Asociacion Veciñal do Saviñao faise eco das protestas recibidas por parte de veciños de distintas parroquias do concello con ocasión do plan de rebacheo que se está executando no Saviñao. O tema de fondo é a provisionalidade da obra, consistente no deposito de grava asfáltica en cada un dos baches, elo sin nivelacion previa nin a compactacion posterior necesaria, o que fai de esta actuación un mero parche sin futuro algún, pois o non estar compactado, esa masa asfaltica é levantada inmediatamente có paso de vehículos, e moito mais acelerada co paso de tractores.
Así, nesta semana pasada recibíronse queixas de Sabariz (parroquia de Stª. Mariña de Rosende), onde se estableceron duas familias procedentes de Madrid, o que supuxo o incremento de 10 habitantes para o núcleo de Sabariz. Queixábanse de que dende o seu asentamento xa solicitaran o arranxo da estrada que atravesa o lugar, pois cada vez que chove fanse balsas de auga que quedan estancadas na cuneta e calzada impedindo case que a deambulación. Solicitaran unha nova capa de rodadura, e na semana pasada sentíronse defraudados o comprobar que a solución municipal quedouse nun rebacheo manual, rácano e escaso, de algun dos moitos buratos.
Pilates 2013-2014
Na data do 30 de maio do 2013 publicítase o inicio da ximnasia Pilates. Será unha actividade a realizar no Auditorio municipal durante dous días á semana, impartida polo veciño Diego, e autofinanciada polas/os asistentes. No outono retómase esta actividade que continúa ó longo do 2014.
Camiñatas e sendeirismo
1.- RUTA DO RÍO SARDIÑEIRA
No mes de novembro do 2010 convocouse á andaina pola ruta do río Sardiñeira. Dende Montegrande ascendeuse río arriba ata O Recreo. Alí fíxose parada para xantar e pola tarde seguimos río arriba ata as proximidades da confluencia dos ríos Portiño e Sardiñeira baixo Valiñocobo. En total 11 km.. Hai fotos no apartado de SENDEIRISMO.
2.- RUTA DA RIBEIRA SACRA DO MIÑO
Durante o 2011 e á medida que se ían limpando os camiños de esta longa ruta de 36 km., invitábase nos medios de comunicación a todo o que quixera realizala en pequenas etapas de 4 – 5 km. que se organizaban nos sábados. A primeira etapa entre Stº. Estevo e Diomondi. A segunda entre Diomondi e Bexán. A terceira entre Bexán e o castro de Mourelos. A cuarta entre o castro e Cuñas. A quinta entre A Cova e Maiorga. A sexta entre Maiorga e Marce. Faltou recorrer a última entre Marce e Stº. Estevo de Atán, por non estar totalmente transitable.
3.- RUTA DO VERAO OU DAS DEVESAS
No outono do 2012 realizouse unha terceira parte de esta ruta de 11 km. diseñada pola asociación e aínda pendente de limpar e adecentar. Recorreuse o tramo desbrozado polos asociados, entre Escairón e Vilatán, de úns 4 km. Este é un proxecto dunha ruta circular que parte dende Escairón, por camiños diríxese a Vilatán, despois a Vilamor, Sobrelle, A Fonxe, e volta a Escairón polo campo de futbol novo. Denominámola así porque no verao é unha ruta fresca xa que ten en case toda ela a cobertura sombría dos bosques de caducifolias. ¿rematarase algún día? Moito nos tememos que si non se fai co traballo voluntarioso dos veciños nunca chegará a ser realidade.
SENDEIRISMO POLA RUTA DA RIBEIRA SACRA DO MIÑO
Con ocasión da apertura e posta en transitable da ruta deseñada, limpada e xestionada pola asociación, con data 27 de marzo do 2013, organízanse saídas de sendeirismo invitando a todos a acompañarnos polo recorrido da mesma. Son 36 km. de dificultade media por esta ruta homologada, a primeira do val do Miño, e catalogada co PR-G 162.
Na primavera do 2013 recórrese a ruta en catro etapas, nunha estación de flamante colorido e exuberante vexetación. Fanse os sábados pola mañá.
Mais tarde, no outono, recórrese en sentido inverso, partindo de Segade e Cima de Atán en Pantón e rematando en Stº Estevo de Ribas de Miño. Faise de novo en catro sábados e a variedade cromática desta época aínda permañece grabada nas nosas retinas. A bó seguro se repetiran estas convocatorias abertas nos próximos anos.
FOTOS
Acordo de acceso ó balneario de Augas Santas
ACORDO DE ACCESO Ó BALNEARIO DE AUGAS SANTAS PARA OS VECIÑOS DO SAVIÑAO.
No ano 2010 a directiva da asociación acordou co Director Xerente do Balneario unhas condicións de acceso, en virtude da proximidade, a certos servizos nunha condicións máis asequibles para os veciños do Saviñao.
Dende entón, cambiou a empresa, pero as condicións mantéñense.
Proxecto de revalorización do mundo rural
NOTA DE PRENSA LA VOZ DE GALICIA 8 DE MARZO 2013
O sábado 9 de marzo do 2013 ten lugar a primeira presentación na comarca de Lemos do proxecto de Valorización do Mundo Rural que se pretende extender a outros concellos da comarca. A asociación encargárase de transmitir o proxecto a pequenos productores, artesáns, asociacións veciñais e culturais, SAT, colexos, e persoas interesadas. Contactouse con 28 entidades. Ó acto acudiron unhas 30 persoas. Agora trátase de divulgar o proxecto a máis tecido social do noso municipio, coordinarse para comenzar a traballar e esperar a aceptación que teña nos concellos veciños.
É un intento de revalorizar o noso mundo rural, de interrelacionar os distintos productores e elementos da nosa sociedade, de coordinalos para buscar a posta en valor de todo o que aquí temos: agricultura, gandería, foresta, acuíferos, patrimonio ecolóxico e cultural, etc. A finalidade: conseguir que se poida vivir onde nacemos e presentar todo o potencial da vida rural. O proxecto abarca toda a comarca de Lemos. É unha difícil tarefa, pero temos a obriga de intentalo, esperando ser o xérmolo dun renacer do campo.
O concello rexeita a teleasistencia
A Asociación veciñal diríxese ós medios de comunicación comarcais a propósito da non inclusión do Saviñao no Plan de Teleasistencia.
Si nos inicios do ano 2013 denunciábamos a constante perda de servizos que vimos sufrindo no Saviñao no último ano e medio, agora volvemos a comprobar como o noso alcalde non parece disposto a aportar un só euro para beneficio das persoas maiores do municipio, ó negar a acollida ó Plan de Teleasistencia presentado pola Diputación.
Dito plan aportaría unha axuda e protección ó comunicar ás persoas maiores que viven soas e que non reciben servizos de dependencia, contribuíndo a que vivan no seu lugar, fixando poboación e evitando a migración a outros concellos na busca dunha residencia. Para elo o concello debería aportar a metade da inversión. Dos 67 concellos da provincia, tan só CATRO decidiron prescindir de este servizo, convertíndonos nunha negativa e insolidaria excepción.
Incremento tasas garderia
A Asociación Veciñal do Saviñao, a traves da súa presidenta Violeta Perez Figueroa, diríxese díante da Alcaldía do Concello do Saviñao para mostrar a súa disconformidade pola pretendida suba das tasas da Gardería Municipal.
EXPOÑENDO:
Díante da proposta presentada pola directora da gardería ante os pais dos nenos na que se anuncia unha modificación e suba das tasas de 110 a 220 €, a asociación veciñal na que están integrados moitos pais afectados considera:
- Un incremento de máis do 100 % é abusivo e non xustificable no momento actual, limitando o acceso a este servizo ós fillos de moitas familias do noso medio.
- O feito de que non contemplen descontos en función da renda familiar é discriminatorio e contradice o reglamento que regula ás garderías públicas, e esta a é, aínda que a xestión sexa privada.
- Que as tasas dunha gardería municipal están reguladas polo Decreto 70/2007 polo que non poden ser modificadas unilateralmente polo concello nin pola empresa adxudicataria.
- Que a concesión do servizo á empresa adxudicataria remata neste presente ano 2012.
Rexeite veciñal á planta de asfalto de Morgade
A Asociación Veciñal do Saviñao, trasmitindo a oposición e o rexeite dos veciños afectados de Morgade (parroquia de Seteventos) pola actividade dunha planta de asfaltados próxima ás vivendas, ven de presentar no concello unha reclamación e rexeite á solicitude de licencia municipal solicitada pola empresa.
A citada planta de asfaltados (Asfaltos y Viales S.L.) ven desenvolvendo a súa actividade dende fai uns catro anos, pero foi a raiz do Plan E, fai ano e medio, cando a súa actividade cambia e inicia a elaboración “en quente” de asfalto e aglomerado, causando molestias ós veciños do lugar de Morgade.
Na data do 12 de xullo do presente ano os veciños de Morgade presentan, acompañada dunhas firmas, unha reclamación díante do Concello onde expoñen o malestar pola actividade nociva e insaludable que lles afecta. No día seguinte, o 13 de xullo, sáe publicada no B.O.P. unha solicitude de licencia municipal para dita planta, sometendose a información pública por un prazo de 20 dias habiles.
A asociación veciñal, en representación dos veciños de Morgade, presenta na data do luns 30, e en tempo e forma, a alegación e reclamación á legalización da irregular situación desta empresa, solicitando a denegación da licencia por parte da autoridade municipal e a ordenación do traslado de dita planta ás parcelas existentes de Solo urbanístico de Actividade Industrial (polígono) onde debería desenvolver a súa actividade.
Os argumentos que se adxuntan son:
1º- O rexeite dos veciños de Morgade a ter que soportar danos medioambientais, concretados en olores, ruidos provocados pola maquinaria utilizada, particulas en suspensión aerea e polvos que afectan as hortas e pastizales, así como lixiviados líquidos derivados de asfaltos e lavado de camións que discorren libremente polas cunetas.
2º- A actividade industrial non é a adecuada para ser desenvolta no solo rústico de protección forestal onde actualmente está emplazada, para iso o municipio dispón de Solo Industrial específico para ditas actividades.
Por outra parte xeneraríase un agravio comparativo con outros veciños autónomos ós que lle foi denegada licencia municipal para actividades máis discretas, como foi o caso dun taller de restauración e outro de carpintería ós que se lle denegou por ser consideradas actividades industriais en solo rústico.
Dende asociación considérase que a empresa é coñecedora da imposibilidade de seguir coa súa actividade no emplazamento actual, e de feito fai dous anos xa solicitara unhas parcelas no polígono industrial, ás que posteriormente renunciou.
Con esta reclamación os veciños estarán atentos á resolución que se tome dende o concello para iniciar, se fose necesario, as denuncias que sexan precisas para facer valer a legalidade vixente.
30 de xullo do 2012
Desmantelamento do publico
A Asociación Veciñal do Saviñao alerta sobre o deterioro nestes últimos anos dos servizos públicos que se ofrecen no municipio.
Si primeiro se prescindíu dos servizos de Protección Civil e posteriormente tamén do GRUMIR, deixando sen cobertura as emerxencias que poidan suceder, despois chegou o recorte en prestacións sanitarias coa supresión de un médico en Escairón (o que evitou a perda de un profesional homónimo no concello de Sober), poucos meses despois vemos como se está suprimindo tamén unha praza de enfermería, que tan só se cubre DOUS días á semana e a metade de xornada.
Respecto da atención á terceira edade, denunciar que o único edificio público dedicado a Residencia (cedido para esta finalidade) foille entregado a unha empresa privada (Gesan) a cambio de 5.000 € anuais, sin que se ofreza nin unha soa praza concertada e a un precio de 1.200 €/cama/mes; co resultado de que a día de hoxe só hai tres veciños do Saviñao ocupando unha habitación.
Ademáis este ano a Xunta suprime totalmente a partida presupostaria da Axuda no Domicilio, co que o concello incrementou a tarifa por hora e reduxo o tempo de asistencia.Tampouco existe servizo de Centro de Día.
No pasado mes comprobamos como tamén o finamento ten contribución: o cementerio municipal de Escairón pasa a ser xestionado por intereses privados.
E para rematar esta serie de desmantelamentos e abandono do público, para inicios do ano próximo a gardería “municipal” entregada á Fundación Fesan incrementará de 110 á 220 € a tarifa por neno, sin ofrecer a lóxica e preceptiva reducción en función das rendas familiares.
Con este panorama comprobamos un deterioro da asistencia e cobertura mínima necesaria que un concello debería ofertar ós seus veciños. Moi á contra, incrementáronse todas as tasas municipais: licencias, auga, basura, IBI, etc…. Pero mantéñense as abusivas catro dedicacións exclusivas a cargo dos presupostos. Vese un notorio interese en recaudar, máis que en ofertar.
Dende a asociación, os veciños reclaman outra maneira máis solidaria de executar as funcións municipais para as que foron elexidos, recortando en gastos superfluos e frenando a privatización interesada dos servizos públicos e rentabilizando as instalacións municipais disponibles para non provocar situacións de abandono e marxinación social.
Decembro do 2012
MAPA DO SAVIÑAO
