RECLÁMASE DO CONSORCIO TURÍSTICO DA RIBEIRA SACRA ATENCIÓN A DOUS PUNTOS DE ATRACIÓN NO SAVIÑAO.
A Asociación Veciñal do Saviñao, diríxese ao Consorcio de Turismo da Ribeira Sacra coa finalidade de tratar dous temas de ámbito turístico e de interese para o municipio do Saviñao: a solicitude de sinalización da ruta de sendeirismo PR-G 162 e as propostas para evitar o colapso da área da praia da Cova.
- SINALIZACIÓN DA RUTA DE SENDEIRISMO PR-G 162.
Comprobamos que o Consorcio de Turismo sinalizou algunhas rutas de sendeirismo no territorio da Ribeira Sacra con sinais verticais metálicas de cor laranxa. Non obstante, a ruta dos concellos de Pantón e O Saviñao non foi sinalizada.
A ruta de sendeirismo da Ribeira Sacra do Miño, a primeira homologada no territorio do Miño e é a máis longa de toda a Ribeira Sacra, con 37 quilómetros, é adecuada para facer en dúas ou máis xornadas. Foi descrita polos numerosos grupos de sendeirismo que a visitaron como unha das máis atractivas e completas de Galiza.
O seu interese ven dado pola cantidade de elementos de interese paisaxístico, etnográfico e patrimonial que atravesa no seu traxecto: catro igrexas románicas (Sto. Estevo de Ribas de Miño, S. Paio de Diomondi, S. Salvador da Cova e Sto. Estevo de Atán), a calzada romana e medieval dos Codos de Belesar (que forma parte do Camiño de Inverno), o núcleo de Belesar e as dúas áreas fluviais do Miño (A Cova e Maiorga), así como a coñecida fervenza de Augacaída, ademais de atravesar numerosas aldeas que amosan unha arquitectura propia (Diomondi, Mourelos, A Cova, O Carballo de Ribeiras de Miño, A Míllara, Marce, Seoane de Atán…). O percorrido permite contemplar numerosos elementos paisaxísticos e etnográficos: a alternancia de viñedos en socalcos con frondosos bosques de caducifolias, os portelos que comunican as muras, as airas empedradas das mallas comunais, os pozos horizontais da ribeira …
Cremos que o interese desta ruta está sobradamente demostrado e que merece que se valorice e se coide, polo que lle solicitamos ao Consorcio de Turismo a correspondente sinalización cos sinais laranxa nos dous inicios da ruta, Sto. Estevo de Belesar e Segade, así como nos puntos intermedios do seu traxecto: Belesar, o Priorato da Cova e Maiorga.
- PROPOSTA DE MEDIDAS PARA EVITAR O COLAPSO DA ÁREA DA COVA.
O Consorcio ven de recoñecer publicamente que a área da praia da Cova é un punto negro na Ribeira Sacra para a mobilidade e que ameaza a sostibilidade do turismo que nos visita. Dende a Asociación repetimos unha serie de propostas para evitar o colapso desta zona vulnerable e de gran afluencia de xente.
- A modificación do percorrido do microbús lanzadeira que xa está en activo. Cremos que a saída debería facerse dende Fión, na bocarribeira, xa que a maior parte dos visitantes da praia proceden de fóra do Saviñao e non chegan a pasar por Escairón, onde está agora o punto de partida. Para conseguilo habería que habilitar un espazo de aparcamento para a saída. Poderíase valorar un segundo servizo dende Belesar.
- A circulación de senso único dende o desvío a Arxuá, pouco antes da igrexa románica da Cova, permitíndoselles o tránsito no senso contrario só aos propietarios de terras na ribeira. A baixada faríase pola igrexa da Cova, e a subida sería por Soutomango e Arxuá. Quedaría un curto espazo de circulación nos dous sensos, duns 300 metros, onde se xuntan as dúas estradas, que poderían estar regulados por semáforos.
- A sinalización do ancho da estrada e a prohibición de circulación de vehículos de máis de 6 metros de lonxitude, incompatibles co trazado sinuoso da estrada. Isto suporía que non poderían circular nin autobuses grandes nin autocaravanas.
- A colocación de paneis dixitais nas zonas de estacionamento e de saída dos microbuses, en Fión e Belesar, para informar da ocupación das prazas de aparcamento na área da praia e disuadir así de acodir cos vehículos.
- A protección estrita da paisaxe, que implica o rexeitar calquera ampliación do ancho da estrada.
Esperando que sexan atendidas estas necesidades que afectan ao territorio do Saviñao, despídese atentamente de vostede a Presidenta da Asociación
Escairón a 3 de setembro do 2024.
A ASOCIACIÓN SEGUE BUSCANDO SOLUCIÓNS Á PREOCUPACIÓN VECIÑAL POLAS ANTENAS DE TELEFONÍA MOBIL DE MONDAVIDE.
Despois de case vinte anos de preocupación e mobilización dos veciños do barrio de Mondavide pola afectación á saúde das emisións radiactivas das antenas de telefonía próximas ás vivendas e despois da nula actuación da institución municipal para dar solución a este tema, a asociación solicitou asesoramento e actuación á Xefatura Provincial de Telecomunicacións.
Na data do 13 de decembro acoden á petición da asociación técnicos da Xefatura Provincial de Telecomunicacións a realizar medición da emisión de radiacións a Mondavide. As cifras recollidas nas proximidades da instalación son de 0´35 volts/m, dentro dos límites admitidos pola OMS ( 38´9 volts/m ). Fanse asemesmo medicións no interior dunha vivenda próxima, con similares cifras. Á cita acoden veciños de 5 vivendas do barrio. Con esto dase tranquilidade e remátase con un longo temor pola influenza destas antenas na saúde. Non era tan dificil señor Alcalde.
DÍANTE DA INOPERANCIA INSTITUCIONAL, ENVÍASE BUROFAX Á VODAFONE SOLICITANDO A RETIRADA DAS ANTENAS DE MONDAVIDE.
Dado que pese ós esforzos dos veciños do barrio onde estan ubicadas as instalacións, pese a dirixirse á Valedora do Pobo e pese a resposta da Alcaldía de pedir un informe técnico para a reubicación das antenas que non se fai realidade, a A.V. diríxese directamente por burofax á empresa Vodafone España para razonar esta antiga reclamación veciñal.
La Asociación Veciñal do Saviñao, inscrita con el nº 13651 en el registro provincial de asociaciones, con CIF G 27401157 a través de su Presidenta Celia Ferreiro Riazor se dirige a la empresa Vodafone-España con el fín de solicitar el cambio de ubicación de las antenas de telefonía movil de la localidad de Escairón ( ayuntamiento O Saviñao ).
Por el presente burofax, la asociación trasmite esta reiterada petición vecinal, por ser considerada dicha instalación una amenaza para la salud. Se trata de dos estaciones radioeléctricas de GSM y UMTS colocadas en depósito de agua en el barrio de Mondavide de Escairón, en suelo y nucleo urbano, codificada con el n.º 15621, que reciben permiso municipal de instalación el 6 de noviembre de 1997 a nombre de la empresa AIRTEL. La instalación se completa en 2003.
La preocupación vecinal viene de la alarma provocada por la contabilización de unos 20 casos de cancer entre el vecindario de un perímetro de 400 m de las antenas, lo que supera la prevalencia estimada en el Estado.
La reclamación vecinal para el cambio de ubicación comienza en 2004 cuando se entregan 150 firmas a la Alcaldía solicitando su retirada. En 2011 y coincidiendo con la inmediatez de la caducidad del contrato, la Asociación Veciñal do Saviñao solicita de la Alcaldía el cambio de ubicación de la instalación y el alejamiento de las viviendas. Pese al compromiso verbal del Alcalde, en 2012 el permiso es renovado con la misma localización. El pasado año 2022 los vecinos del barrio afectado se dirigen a la Valedora do Pobo de Galicia, tras lo cual el Alcalde se compromete a solicitar un informe técnico para valorar una nueva ubicación.
Los argumentos que aluden los vecinos son:
– Estan ubicadas en un “entorno sensible” dada la proximidad de las antenas a las viviendas, situadas a menos de 100 m., así como al colegio de enseñanza primaria de Escairón ( CPI Lopez Suarez ), a diversos talleres y al cuartel de la Guardi Civil.
– La existencia de numerosas áreas para una nueva ubicación que no cause preocupación a los vecinos, de hecho no existe ninguna instalación similar de otras compañías ubicada en zona urbana.
– La consideración de Principio Precautorio que aconseja la adopción de medidas preventivas ante una alerta social por la amenaza contra la salud sentida por la población.
– La existencia de un Código de Buenas Prácticas para la instalación de infraestructuras de telefonía movil.
Despues de este largo historial de reclamaciones vecinales y mentiras institucionales, la asociación vecinal solicita de la empresa responsable Vodafone, la retirada de dichas antenas y el cambio de ubicación, siempre fuera de suelo urbano y nunca a menos de 500m. De las viviendas y a menos de 1000 m. de centros de carácter público.
En espera de que de una vez por todas se dé solución a esta petición y se atienda esta preocupación social, se despide atentamende de Uds. la Presidenta de la asociación.
En Escairón, a 30 de junio de 2023.
ENVIO Ó CONSORCIO DE TURISMO DA RIBEIRA SACRA DUN PAQUETE DE MEDIDAS PARA EVITAR O COLAPSO CIRCULATORIO DOS ACESOS Á PRAIA DA COVA.
Dada a escasa receptividade do Concello do Saviñao ás medidas que dende a asociación se lle presentaran ata en catro ocasións, na última asemblea decidíuse aproveitar o portal de participación cidadá aberto polo Consorcio de Turismo para enviarlle un paquete de 5 medidas e unha recomendación para dar solución a este novo problema.
A área da praia da Cova convertíuse nos últimos anos nun dos puntos máis visitados do territorio Ribeira Sacra o que trouxo consigo a masificación e o conseguinte colapso circulatorio dadas as características das estradas ribeireñas que configuran a paisaxe en todo o conxunto da Ribeira Sacra.
Agora, unha vez rematado o verán e comprobado unha vez mais o caos e o colapso do tráfico nos accesos á praia da Cova, consideramos que é o momento de propoñer alternativas para salvar esta singular área dunha morte de éxito. Coñecida a posta en marcha polo Consorcio de Turismo da Ribeira Sacra da plataforma de participación cidadá “Participa Ribeira Sacra” e como queira que a asociación veciñal propuxera á Corporación municipal do Saviñao, ata en catro ocasións, diversas alternativas para aliviar o tráfico nesa zona e non foran tomadas en consideración moitas delas, consideramos oportuno dirixirnos á entidade do Consorcio de Turismo da Ribeira Sacra para que se tomen medidas co tempo suficiente e coa finalidade de conseguir unha mobilidade sostible e dar solución dunha vez por todas a esta problemática que ameaza ó noso vulnerable territorio.
As propostas da Asociación Veciñal do Saviñao son:
1- Microbús lanzadeira. Xa iniciado este servizo no presente ano pero cremos que a saída debería facerse dende Fión, na bocaribeira, dado que a maigrande parte dos visitantes da praia proceden de fora do Saviñao e non chegan a pasar sequera por Escairón, punto de partida no ano que remata. Para elo habería que habilitar un prado como espazo de aparcamento dende o que partiría dito microbus. Poderíase valorar un Segundo servizo de microbus con punto de partida dende Belesar.
2- Circulación unidirecional do tráfico dende o desvio á Arxuá, pouco antes da igrexa románica da Cova, permitindo ó tránsito bidirectional aos propietarios de terras na ribeira, coa conseguinte sinalización. A baixada faríase pola igrexa da Cova e a subida por Soutomango e Arxuá. Quedaría un curto espazo bidirecional duns 400 metros onde se xuntan as dúas estradas e onde poderían colocarse uns semáforos.
3- Sinalización da proibición da circulación de veículos superiores a 6 metros de lonxitude, dadas as pechadas curvas existentes para advertir da imposibilidade de acceso dos grandes autobuses.
4- Sinalización do ancho da estrada para evitar a baixada dos grandes veículos.
5- Ubicación de paneis dixitais nas zonas de estacionamento e saída dos microbuses, en Fión e Belesar, que avisen da ocupación total co coche.
6- Evitar a toda costa a modificación da paisaxe, renegando de toda idea de ampliar o ancho da estrada coa apertura de chamativos e aparatosos taludes.
Coa intención de conseguir un turismo de calidade e sostible, compatible coa delicada orografía e paisaxe da Ribeira Sacra e de que sexan consideradas ditas medidas para evitar o colapso circulatorio nunha zona de visita masiva, despédese atentamente de Vde. a Presidenta da asociación veciñal.
TRASMÍTESE A PETICIÓN VECIÑAL DA RETIRADA DAS ANTENAS DE TELEFONÍA DE MONDAVIDE ( ESCAIRÓN ).
A Asociación Veciñal do Saviñao, a través da súa Presidenta Celia Ferreiro Riazor con DNI 33.812.714 T, diríxese á Alcaldía do Saviñao co motivo de solicitar a retirada das antenas de telefonía no barrio de Mondavide.
Recibida na asociación queixa pola ausencia de resposta por parte da Alcaldía á recente solicitude feita polos veciños do barrio de Mondavide en Escairón para a retirada das antenas de telefonía mobil próximas ás casas e que xa motivaron unha denuncia á Valedora do Pobo, a asociación veciñal diríxese á Alcaldía para reiterarlle esta petición xa que dita instalación é considerada polo vecindario como lesiva e perigosa para a saúde.
Esta desconfianza veciñal ven motivada pola gran cantidade de casos de cancro que se deron en varias familias do barrio. Pode que se trate dun azar ou ben que os campos electromagnéticos teñan algo que ver, este dilema non vai ter unha resposta cintífico-pericial inmediata, nin unha certeza, pero este rexeite ás instalación xa ten un longo recorrido.
No ano 2004, coincidindo co desmatelamento doutra antena en Santalla, xa fora solicitada a retirada da de Mondavide adxuntando unhas 150 firmas e obtendo daquela o compromiso da Alcaldía da súa retirada, cousa que nunca se executou. Posteriormente no ano 2011 a asociación veciñal reitera esta petición de retirada, coincidindo coa inmediatez da caducidade do contrato de arrendamento. Outra negativa por resposta e a día de hoxe as antenas continúan sendo unha ameaza percibida polos veciños de Mondavide.
Por todo esto a asociación veciñal SOLICITA da Alcaldía:
- Información acerca da data de caducidade do contrato de dita instalación.
- Información da cantidade percibida polo Concello polo arrendamento de dito servizo.
- A retirada inmediata das instalación por ser considerada polos veciños unha ameaza para a súa saúde.
Na espera dunha atención ás demandas e queixas da veciñanza e dunha garantía para a salubridade da poboación, despédese atentamente de Vde. A Presidenta da asociación.
Escairón, a 8 de setembro do 2022.
ALEGACIÓNS Á CONSTRUCIÓN DUN SEGUNDO PARQUE EÓLICO EN PARADELA
Unha vez que saíu á información pública a construción dun novo parque eólico no municipio limítrofe de Paradela e como queira que afecta á zona norte do Saviñao, concretamente ós lugares de Valdorraca, Orxaínza, Agra e Souceda, a asociación considera excesiva a proliferación destas infraestruturas, polo que asume as alegacións propostas pola plataforma rural Interior Galego Vivo, á que estamos adheridos.
Na data do 4 de maio rexistramos ditas alegacións no portelo único do Concello dirixidas á Vicepresidencia Segunda e Consellería de Economía, Empresa e Innovación, para que sexan tidas en conta tanto no estudio de impacto ambiental como no proxecto sectorial.
DÍANTE DA ACTITUDE ABUSIVA DAS ENTIDADES BANCARIAS, A ASOCIACIÓN VECIÑAL SOLICITA DA CAIXA RURAL A APERTURA DUNHA OFICINA EN ESCAIRÓN.
A Asociación Veciñal do Saviñao, a través da súa Presidenta Celia Ferreiro Riazor, diríxese á Dirección Comercial de Caixa Rural coa intención de solicitar a ubicación dunha oficina no Concello do Saviñao.
Díante das desorbitadas comisións de mantemento que as distintas entidades estan impoñendo ás contas bancarias, a asociación trasmite a demanda dun bó número de veciños de solicitar á Caixa Rural a apertura dunha oficina en Escairón, capitalidade do Concello de O Saviñao.
A día de hoxe neste municipio de 3.550 habitantes tan só operan dous bancos cando ata hai pouco había catro. Comentar que as oficinas operativas estan colapsadas case que a diario con longas esperas no exterior do edificio e horarios de atención ó público moi limitados que xeran descontento nos depositarios, polo que hai moitos veciños dispostos a cambiar a unha entidade bancaria mais racional e próxima á xente.
Por elo solicitamos que valoren a idoneidade da apertura dunha oficina no noso concello.
Na espera da súa resposta, despédese de Vde. a Presidenta da asociación. Escairón a 9 de decembro do 2021.
Na data do 28 de decembro recíbese resposta da entidade no sentido de que debido á gran cantidade de solicitudes que recibiron, non poden respostar satisfatoriamente nun prazo medio e curto.
NOVAS SOBRE A S SOLUCIÓNS ADOPTADAS PARA ACABAR COA CONTAMINACIÓN DO RÍO PESQUEIRAS
O advogado colaborador e denunciante persoal da contaminación do río por ser afectado, Jose Manuel López Iglesias, recibe un auto do xuíz preguntándolle que quere facer coa empresa CELEGA á que ven denunciando e pídenos que nos pronunciemos e aportemos o que condideremos.
Dende a asociación temos claro que o obxetivo final desta longa loita é conseguir unha condicións do leito do río correctas e compatibles coa vida animal e vexetal. Enviáramos hai mais de dous anos solicitude a CHMS da verificación analítica da calidade das augas do río unha vez construidas as depuradoras, pero este organismo non considerou respondernos.
Acórdase aportarlle as seguintes accións :
- Analise completo da auga do cauce unha vez o río atravesa a planta.
- Reposición e limpeza do leito do río que continúa sen biótica.
- Sistemas de control de posibles verquidos.
SOLICÍTASE DA DEPUTACIÓN PROVINCIAL O ARRANXO URXENTE DE DÚAS ESTRADAS DO MUNICIPIO.
O estado de conservación das estradas do concello é lamentable ó longo de todo o territorio municipal. As distintas administración presumen nos medios de comunicación cando arranxan unha estrada da súa titularidade, pero as actuacións son puntuais e escasas, deixando a maigrande parte das vías de comunicación case inservibles e ocasionado averías nos vehículos dos veciños que a diario transitan por elas.
Na derradeira reunión da xunta directiva propúxose solicitar un arranxo de emerxencia en dúas de titularidade da Deputación Provincial, recoñecendo que hai outras moitas que tamén o precisan. Iremos ocupándonos das restantes sen olvidar ningunha, pero para non pecar de pedigueños e alarmistas imos pouco a pouco.
Na data do 4 de outubro do 2021 diriximonos á Deputación:
A Asociación Veciñal do Saviñao, inscrita co nº 13651 no rexistro provincial de asociacións, con NIF G 27401157, a través da súa Presidenta Celia Ferreiro Riazor, diríxese á Delegación de Vías e Obras Públicas da Área de Xestión Territorial da Deputación de Lugo , para solicitar traballos de rebacheo de mantemento en dúas estradas da rede viaria da Deputación no territorio do Saviñao.
Notifícase do lamentable estado que presentan na actualidade as estradas 4112 Rendal ( Fión, O Saviñao ) – O Reguengo ( Pantón ) e a 5811 Torno – O Gorgozo, presentando un alarmante deterioro en moitos puntos.
A estrada 4112 presenta importantes fochancas en tres tramos: entre Rendal e A Barxa, en Galegos e no Reguengo.
A estrada 5811 concentra gran número de profundas fochancas que fai totalmente imposible a evitación das mesmas. Trátase dunha situación de emerxencia, xa que afecta á comunicación coa zona norte do concello. A zona que precisa atención é un tramo entre o inicio desta estrada 5811 no lugar de Torno e o lugar de Santa Cruz da parroquia de Vilelos, entre os puntos quilométricos 0.400 e 0.800. A asociación veciñal trasmite as queixas veciñais e reclama unha intervención inmediata de rebacheo para facilitar o tránsito e a comunicación. Deberíase executar o afianzamento da base da calzada e a reposición da capa asfáltica xa que todos os anos vemos como se abren fondas fochancas no mesmo tramo.
Na espera dunha pronta actuación por parte dese Departamento de Xestión Territorial que satisfaga as lóxicas reclamacións dos veciños, despédese atentamente de Vde. a Presidenta da asociación. Escairón a 4 de outubro do 2021.
O 25 de decembro faise pública a contratación da obra de reparación da estrada entre Torno e O Gorgozo nos seus 4 primeiros quilómetros próximos á Santa Cruz, os mais deteriorados.
No mes de xuño do 2022 rebachean as fochancas dende Rendal ó Reguengo e no mes de agosto do mesmo ano aplican unha espesa capa de aglomerado en quente no deteriorado tramo dende Torno ata a igrexa de Vilelos. Os nosos agradecementos á Deputación pola execución desas necesarias reparacións.
PUBLICÍTASE O PROGRAMA DE COMIDA A DOMICILIO » XANTAR NA CASA «
Diante do grande descoñecemento da existencia deste programa da Xunta de Galicia que consiste na entrega de comida semanal á domicilio , a asociación inicia a publicitación do mesmo o 4 de agosto do 2021. Péganse 70 carteis en todas as parroquias do municipio coa finalidade de que os veciños interesados soliciten no Concello este servizo público que supón menos de 2 € por comida.

Un mes mais adiante, o 3 de setembro, acodimos a interesarnos polo tema díante da Asistenta Social Sofía. Confirma que ata esa data hai presentadas 12 solicitudes e que aínda estan recollendo. Asemesmo informa que o número máximo será de 20 persoas. Confirma que o Concello acóllese ó programa e está pendente a firma do Convenio canado ela volte das vacacións. Preguntada polos criterios de selección no caso de que se supere o número máximo, estes son: 1. Ingrsos económicos. 2. Situación de Dependencia. 3. Necesidade de asistencia social. Seguimos pendentes deste tema.
Finalmente, no ano 2024 , este programa chega aos nosos veciños, non sin tempo nin repetidas reiteracións para que o noso Alcalde o tomara en serio.


