O concello rexeita a teleasistencia
A Asociación veciñal diríxese ós medios de comunicación comarcais a propósito da non inclusión do Saviñao no Plan de Teleasistencia.
Si nos inicios do ano 2013 denunciábamos a constante perda de servizos que vimos sufrindo no Saviñao no último ano e medio, agora volvemos a comprobar como o noso alcalde non parece disposto a aportar un só euro para beneficio das persoas maiores do municipio, ó negar a acollida ó Plan de Teleasistencia presentado pola Diputación.
Dito plan aportaría unha axuda e protección ó comunicar ás persoas maiores que viven soas e que non reciben servizos de dependencia, contribuíndo a que vivan no seu lugar, fixando poboación e evitando a migración a outros concellos na busca dunha residencia. Para elo o concello debería aportar a metade da inversión. Dos 67 concellos da provincia, tan só CATRO decidiron prescindir de este servizo, convertíndonos nunha negativa e insolidaria excepción.
Incremento tasas garderia
A Asociación Veciñal do Saviñao, a traves da súa presidenta Violeta Perez Figueroa, diríxese díante da Alcaldía do Concello do Saviñao para mostrar a súa disconformidade pola pretendida suba das tasas da Gardería Municipal.
EXPOÑENDO:
Díante da proposta presentada pola directora da gardería ante os pais dos nenos na que se anuncia unha modificación e suba das tasas de 110 a 220 €, a asociación veciñal na que están integrados moitos pais afectados considera:
- Un incremento de máis do 100 % é abusivo e non xustificable no momento actual, limitando o acceso a este servizo ós fillos de moitas familias do noso medio.
- O feito de que non contemplen descontos en función da renda familiar é discriminatorio e contradice o reglamento que regula ás garderías públicas, e esta a é, aínda que a xestión sexa privada.
- Que as tasas dunha gardería municipal están reguladas polo Decreto 70/2007 polo que non poden ser modificadas unilateralmente polo concello nin pola empresa adxudicataria.
- Que a concesión do servizo á empresa adxudicataria remata neste presente ano 2012.
Rexeite veciñal á planta de asfalto de Morgade
A Asociación Veciñal do Saviñao, trasmitindo a oposición e o rexeite dos veciños afectados de Morgade (parroquia de Seteventos) pola actividade dunha planta de asfaltados próxima ás vivendas, ven de presentar no concello unha reclamación e rexeite á solicitude de licencia municipal solicitada pola empresa.
A citada planta de asfaltados (Asfaltos y Viales S.L.) ven desenvolvendo a súa actividade dende fai uns catro anos, pero foi a raiz do Plan E, fai ano e medio, cando a súa actividade cambia e inicia a elaboración “en quente” de asfalto e aglomerado, causando molestias ós veciños do lugar de Morgade.
Na data do 12 de xullo do presente ano os veciños de Morgade presentan, acompañada dunhas firmas, unha reclamación díante do Concello onde expoñen o malestar pola actividade nociva e insaludable que lles afecta. No día seguinte, o 13 de xullo, sáe publicada no B.O.P. unha solicitude de licencia municipal para dita planta, sometendose a información pública por un prazo de 20 dias habiles.
A asociación veciñal, en representación dos veciños de Morgade, presenta na data do luns 30, e en tempo e forma, a alegación e reclamación á legalización da irregular situación desta empresa, solicitando a denegación da licencia por parte da autoridade municipal e a ordenación do traslado de dita planta ás parcelas existentes de Solo urbanístico de Actividade Industrial (polígono) onde debería desenvolver a súa actividade.
Os argumentos que se adxuntan son:
1º- O rexeite dos veciños de Morgade a ter que soportar danos medioambientais, concretados en olores, ruidos provocados pola maquinaria utilizada, particulas en suspensión aerea e polvos que afectan as hortas e pastizales, así como lixiviados líquidos derivados de asfaltos e lavado de camións que discorren libremente polas cunetas.
2º- A actividade industrial non é a adecuada para ser desenvolta no solo rústico de protección forestal onde actualmente está emplazada, para iso o municipio dispón de Solo Industrial específico para ditas actividades.
Por outra parte xeneraríase un agravio comparativo con outros veciños autónomos ós que lle foi denegada licencia municipal para actividades máis discretas, como foi o caso dun taller de restauración e outro de carpintería ós que se lle denegou por ser consideradas actividades industriais en solo rústico.
Dende asociación considérase que a empresa é coñecedora da imposibilidade de seguir coa súa actividade no emplazamento actual, e de feito fai dous anos xa solicitara unhas parcelas no polígono industrial, ás que posteriormente renunciou.
Con esta reclamación os veciños estarán atentos á resolución que se tome dende o concello para iniciar, se fose necesario, as denuncias que sexan precisas para facer valer a legalidade vixente.
30 de xullo do 2012
Desmantelamento do publico
A Asociación Veciñal do Saviñao alerta sobre o deterioro nestes últimos anos dos servizos públicos que se ofrecen no municipio.
Si primeiro se prescindíu dos servizos de Protección Civil e posteriormente tamén do GRUMIR, deixando sen cobertura as emerxencias que poidan suceder, despois chegou o recorte en prestacións sanitarias coa supresión de un médico en Escairón (o que evitou a perda de un profesional homónimo no concello de Sober), poucos meses despois vemos como se está suprimindo tamén unha praza de enfermería, que tan só se cubre DOUS días á semana e a metade de xornada.
Respecto da atención á terceira edade, denunciar que o único edificio público dedicado a Residencia (cedido para esta finalidade) foille entregado a unha empresa privada (Gesan) a cambio de 5.000 € anuais, sin que se ofreza nin unha soa praza concertada e a un precio de 1.200 €/cama/mes; co resultado de que a día de hoxe só hai tres veciños do Saviñao ocupando unha habitación.
Ademáis este ano a Xunta suprime totalmente a partida presupostaria da Axuda no Domicilio, co que o concello incrementou a tarifa por hora e reduxo o tempo de asistencia.Tampouco existe servizo de Centro de Día.
No pasado mes comprobamos como tamén o finamento ten contribución: o cementerio municipal de Escairón pasa a ser xestionado por intereses privados.
E para rematar esta serie de desmantelamentos e abandono do público, para inicios do ano próximo a gardería “municipal” entregada á Fundación Fesan incrementará de 110 á 220 € a tarifa por neno, sin ofrecer a lóxica e preceptiva reducción en función das rendas familiares.
Con este panorama comprobamos un deterioro da asistencia e cobertura mínima necesaria que un concello debería ofertar ós seus veciños. Moi á contra, incrementáronse todas as tasas municipais: licencias, auga, basura, IBI, etc…. Pero mantéñense as abusivas catro dedicacións exclusivas a cargo dos presupostos. Vese un notorio interese en recaudar, máis que en ofertar.
Dende a asociación, os veciños reclaman outra maneira máis solidaria de executar as funcións municipais para as que foron elexidos, recortando en gastos superfluos e frenando a privatización interesada dos servizos públicos e rentabilizando as instalacións municipais disponibles para non provocar situacións de abandono e marxinación social.
Decembro do 2012
Dereitos vecinais
APLICACIÓN DOS DEREITOS DO VECIÑO
Non son moitas as posibilidades de participación dos veciños na vida política do territorio onde desenvolve a súa vida , de todos modos a lexislación actual marca certas pautas de transparencia que deben respetarse na xestión da vida municipal , e uns dereitos que , anque mínimos , deben esixirse como modo de implicación social e de boa xestión a quenes nos gobernan .
Estamos a referirnos á Ley Reguladora de Bases de Regimen Local ( LRBRL ) do 4/1985 e o Reglamento de Organización y Funcionamiento de las Corporaciones Municipales ( ROF ) do 12/1986 , autenticas bases xurídicas da administración de un municipio .
Na busca de esa transparencia e claridade na xestión dos nosos gobernantes locales , dende a creación da asociación ( 2009 ) foi obxetivo prioritario a consecución de eses dereitos básicos e elementais que a lei concede ó veciño . Así dirixímonos ata en catro ocasións díante da Alcaldía , unha á Secretaria , e outra o Valedor do Pobo , quen confiado na resposta do cumplimento das obrigas da alcaldía , deu carpetazo a uns dereitos que a día de hoxe estan sen aplicar .
Expoñemos o último requerimento dirixido ó Concello , así como a resposta do valedor do Pobo .
A Asociación Veciñal do Saviñao , inscrita co nº 14 no rexistro municipal de asociacións , a traves da súa presidenta Violeta Perez Figueroa , diríxese díante da Alcaldía do Saviñao coa finalidade de …
EXPOÑER :
Para facer efectiva a participación veciñal na vida social do municipio e como garantía de transparencia da xestión municipal , hai recollidos os dereitos básicos dos veciños no Estatuto do Veciño ( Reglamento Estatal de Organización , Funcionamiento y Regimen Local , R.O.F. de 22/12/1986 ) , así como na Ley Reguladora de Bases de Regimen Local ( L.R.B.R.L. de 37471985 ) .
Como queira que estes dereitos foron solicitados nestes tres últimos anos ata en tres ocasións díante da Alcaldía , nunha ocasión díante da Secretaría do concello , e ata elevada instancia ó Valedor do Pobo con recoñecemento dos mesmos , e comprobando como séguese sen aplicar ditos dereitos ….
SOLICÍTASE :
1- Recibir as convocatorias e acordos que adopte a Corporación Local nas sesións públicas municipais , no domicilio social da asociación .
Segundo Título VII do R.O.F. , artgo. 234 : Sin perjuicio del derecho general de acceso a la información municipal reconocido a los vecinos en general, las entidades a que se refieren los artículos anteriores disfrutarán, siempre que lo soliciten expresamente, de los siguientes derechos:
Recibir en su domicilio social las convocatorias de los órganos colegiados municipales que celebran sesiones públicas cuando en el orden del día figuren cuestiones relacionadas con el objeto social de la entidad. En los mismos supuestos recibirán las resoluciones y acuerdos adoptados por los órganos municipales.
Segundo artgo. 207 do R.O.F. e artgo. 70.3 da L.R.B.R.L.: Todos los ciudadanos tienen derecho a obtener copias y certificaciones acreditativas de los acuerdos de los órganos de Gobierno y Administración de las entidades locales y de sus antecedentes
Segundo artgs. 69.1 e 70 bis.1 da L.R.B.R.L. : Artículo 69.1. Las Corporaciones locales facilitarán la más amplia información sobre su actividad y la participación de todos los ciudadanos en la vida local.
Artículo 70 bis. 1. Los ayuntamientos deberán establecer y regular en normas de carácter orgánico procedimientos y órganos adecuados para la efectiva participación de los vecinos en los asuntos de la vida pública local, tanto en el ámbito del municipio en su conjunto como en el de los distritos, en el supuesto de que existan en el municipio dichas divisiones territoriales.
2- Que se fagan públicas as convocatorias e as resolucións das sesións plenrias e acordos do Pleno , así como os acordos das Comisións de Goberno , no taboeiro de anuncios do concello .
Segundo artgo. 229 do R.O.F. : 1. Las convocatorias y órdenes del día de las sesiones del Pleno se trasmitirán a los medios de comunicación social de la localidad y se harán públicas en el Tablón de Anuncios de la entidad.
- Sin perjuicio de lo dispuesto en el artículo 70.2 de la Ley 7/1985, de 2 de abril, la Corporación dará publicidad resumida del contenido de las sesiones plenarias y de todos los acuerdos del Pleno y de la Comisión de Gobierno, así como de las resoluciones del Alcalde y las que por su delegación dicten los delegados.
- A tal efecto, además de la exposición en el Tablón de Anuncios de la entidad,
podrán utilizarse los siguientes medios:
Edición, con una periodicidad mínima trimestral, de un boletín informativo de
la entidad.
Publicación en los medios de comunicación social del ámbito de la entidad.
Segundo artgos. 70.2 e 72 da L.R.B.R.L. : 70.2. Los acuerdos que adopten las corporaciones locales se publican o notifican en la forma prevista por la Ley.
72 : Las Corporaciones locales favorecen el desarrollo de las asociaciones para la defensa de los intereses generales o sectoriales de los vecinos, les facilitan la más amplia información sobre sus actividades, y, dentro de sus posibilidades, el uso de los medios públicos
Na espera dunha resposta efectiva , acordada pola autoridade municipal , que dé cumplimento ós lexítimos dereitos solicitados , despídese de Vde. atentamente a presidenta da asociación vecinal .
En Escairón a 14 de decembro do 2012 .
Resposta do Valedor , sen confirmar si efectivamente se publican os acordos dos Plenos e Comisións de Goberno , ou si se convocan as Sesións Plenarias :
Falta de cobertura dunha enfermeira en Escairón
Ata en dúas ocasións vivíronse no municipio situacións de desatención nas labores de enfermería pola racanería de aforrar en sustituir a baixa dunha profesional. E nas dúas ocasións nos diriximos á Xerencia de Lugo do SERGAS:
A Asociación Veciñal do Saviñao denuncia a precariedade sanitaria coa que o SERGAS continúa a castigar a este concello.
Nesta ocasión os feitos céntranse en que dos 3 enfermeir@s cos que conta o centro de saúde de Escairón, dous estan na situación de baixa laboral de longa duración, co que a día de hoxe tan só hai un enfermeiro para atender os 3 cupos médicos da zona de Escairón (unhas 3.300 tarxetas sanitarias). Solicitado un sustitut@ ó SERGAS, aceptan enviar un enfermeiro tan só para os dous días nos que se fan analises, deixando os outros 3 días da semana a toda esta poboación con tan só un enfermeir@. Despois de moitos rogos dos sanitarios locais, a directora de enfermería de Lugo concede un sustitut@ 3 días á semana.
Protesta pola suba tasas basura e gardería
A Asociación Veciñal do Saviñao diríxese á Alcaldía e equipo de goberno municipal para trasmitír o malestar xenerado na poboación obxetivado polas masivas queixas que se están a recibir na asociación.
Ditas queixas céntranse no incremento das tasas da recollida de basura, de un 122 % (pasaron de 9 a 20 €), inxustificables por canto non houbo cambio nin mellora algunha no servizo.
Do mesmo xeito, o incremento do prezo da gardería (de 110 a 220 €) para inicios do ano, sin distinción das rendas familiares, está provocando alarma e preocupación.
Dende a asociación denunciamos que estes incrementos de todas as tasas municipais son abusivos e desproporcionados. Este afán recaudatorio é impopular por canto ten un agravio comparativo co manteñemento das insostibles CATRO dedicacións exclusivas, cando Monforte con 19.000 veciños ten DÚAS ou Chantada con 9.000 ten tan só UNHA.
Non consideramos lícito que se esté a cargar sobre os veciños esta desproporcionada situación, cando o cidadán está pagando todos e cada ún dos servizos públicos (residencia de maiores privada nun edificio público, incremento da tasa da axuda domiciliaria, gardería privatizada,…).
Aínda recoñecendo que estas decisións están amparadas nunha maioría absoluta, estase facendo unha xestión de costas ó veciño, impositiva e recaudatoria que probablemente esté traicionando esa confianza depositada, e non se pode esperar ata a próxima valoración popular sen esixir un cambio de actitude. O ben común está por riba de calesquera interese particular ou político.
Díante do malestar xenerado, a asociación veciñal solicita ó concello rectificación, no sentido da ponderación e proporcionalidade nas tasas municipais, así como un maior compromiso cos intereses dos administrados e a preservación dos servizos públicos imprescindibles.
En Escairón a 17 de decembro do 2012.
APERTURA DUNHA RUTA DE SENDEIRISMO HOMOLOGADA , A RUTA DA RIBEIRA SACRA DO MIÑO ( PR – G 162 ) . Stº. Estevo de Ribas de Miño – Segade ( Cima de Atán ) 36 km.
Este foi un dos retos ós que se someteu a asociación veciñal mais esixentes debido á longa duración e a responsabilidade que supuxo a coordinación dos distintos organismos e a variedade de funcións . A motivación que nos moveu a traballar nesta iniciativa foi, en primeiro lugar , a ausencia no municipio do Saviñao de rutas de sendeirismo , nin homologadas , nin sin homologar . En segundo lugar , intentar compensar con esta actividade o gran desequilibrio existente entre a promoción da Ribeira Sacra do Sil respecto da ribeira do Miño , a gran olvidada . E en definitiva , para da a coñecer o noso entorno e poñer en valor aqueles elementos que nos definen e que debemos ofertar .
Foi un longo traballo que se iniciou no outono do 2010 e rematou en marzo do 2013 . Comezou co diseño dunha ruta que concentrara elementos patrimoniais ( románico , codos romanos , calzadas medievais , castrexo , ..) , coa paisaxe e vexetación ( dende a imaxe dos socalcos da ribeira ata paso por pechos bosques , e paso por moitas poboacións así como pola fervenza de Augacaída ) , e coas posibilidades de ocio e gastronomía ( paso polo burgo de Belesar , a praia da Cova e a área de Maiorga , e alternativas de turismo rural próximas , adegas ) .
Unha vez diseñado o traxecto e comprobada a viabilidade con saídas de campo , exploracións das distintas vías , comprobación da transición por camiños pechos dende había máis de 25 anos ; plantexamos esta alternativa á Vicepresidencia da Deputación , sendo ben recibida , pero esixindo a súa homologación . Tamén se lle prantexou esta iniciativa á Alcaldía de Pantón , quenes están bastante máis sensibilizados con este tema , pois xa teñen unhas 6 rutas abertas no seu concello . Interésalle o proxecto . Rómpese así co corsé do localismo , agora trátase de ensinar o Miño no seu conxunto .
Queixa pola auga de consumo e dos ríos
A Asociación Veciñal do Saviñao, díante da alarma pola turbidez e opacidade das augas de consumo doméstico durante todo o mes de xullo do 2012, dirixe denuncia díante da Confederación Hidrográfica Miño-Sil, para solicitar analise da salubridade das mesmas así como das causas ou orixe desta anomalía.
Recibidas queixas veciñais polas cualidades da auga da traida, que ven obscura e negruzca, así como pola alarma que orixina a permanencia durante todo este mes destas características, acodese a comprobar a auga dos cauces fluviais de onde procede a traida. No lugar de captación no río Sardiñeira en Eirexafeita o cauce vai totalmente opaco con tonalidade negruzca que impide ver o leito empedrado do río aínda en puntos onde non hai mías que 30 cm. de profundidade. Augas arriba, no lugar da Veiga (Cazón) compróbanse as mesmas características. Acódese aínda máis arriba, esta vez no río Portiño, afluente do Sardiñeira, o seu paso polo Ourigo e as características da auga son aínda peores, fluíndo o cauce totalmente negro.
A asociación solicita analise da auga de consumo doméstico así como das augas dos cauces fluviais para descartar algún verquido ilegal e determinar o orixe do mesmo, así como para tranquilizar á poboación e garantir a potabilidade da auga. Acode a TVG a facer unha noticia no lugar sinalado así como no centro de Escairón, verificando a opacidade da auga.
Un mes despois responde a Confederación Hidrográfica que a turbidez das augas ten a súa orixe nas tornmentas e arrastre de terras provocado polas correntías.
ALEGACIÓNS Ó PXOM
Unha vez coñecida a presentación do proxecto do novo Plan Urbanístico ( PXOM ) , esperado e desexado dende o último plan dos anos 80 , analizouse o mesmo , e unha vez recoñecidos erros e carencias , ademais das suxerencias veciñais recibidas , elaboramos unha serie de alegacións que suman un total de 40 .
Distribuímolas en 5 apartados , correspondentes ós enuncidos no proxecto : 1- Normativa Urbanística , 2-Catalogación de béns do concello , 3- Memoria Descriptiva e Xustificativa , 4- Planificación do Núcleo Urbano de Escairón , e 5- Espazos de Protección Forestal .
MAPA DO SAVIÑAO
