O FUTURO DO RIO PESQUEIRAS, RESPONSABILIDADE DA CONFEDERACIÓN HIDROGRÁFICA. PREGUNTÁMOSLLE POLO PLAN DE REXENERACIÓN.
Unha vez tracorridos mais de oito meses dende a posta en funcionamento da nova depuradora da empresa CELEGA, é o momento de evaluar a eficacia da mesma e de comezar a ver sinais de resurximento da vida biolóxica no cauce deste río tan maltratado.
Correspondelle a responsabilidade da rexeneración das augas á Confederación Hidrográfica Miño-Sil ( CHMS ), tal é como fora aprobado na Proposición Non de Lei ( PNL ) no Congreso dos Deputados no 15 de decembro do 2017. É pois o momento de coñecer o estado analítico das augas e o plan de rexeneración previsto pola CHMS, polo que a asociación na data do 8 de febreiro do 2019 rexistra pregunta dirixida ó Presidente da CHMS, e ó mesmo tempo veciño do Saviñao, Jose Antonio Quiroga Díaz. Esperemos unha pronta e resolutiva resposta para confirmar dunha vez por todas a rexeneración da vida no Pesqueiras.
Pregunta á CHMS polo presente-futuro do rio Pesqueiras
A día de hoxe 8 de xuño e despois de pasados catro meses dende que se lle remitira a pregunta, ó presidente da CHMS, non tivo a ben responder ás cuestións formuladas, sendo o tema da rexeneración do río Pesqueiras una débeda do Ministerio de Medio Ambiente co municipio do Saviñao.
Por outra parte, no día 6 e 7 de marzo, coincidindo coa forte borrasca, comprobamos como o cauce aparecía cheo de espuma en diversos tramos, polo que desconfiamos de que se aproveite a subida do cauce para liberar ó río vertidos insuficientemente depurados. Tamén se pode comprobar como no leito do río segue sen aparecer indicio algún de vida, vexetal nin animal, polo que é mais necesaria que nunca unha avaliación das augas.
No mes de decembro do 2019 realízanse tarefas da corta dalgunhas árbores e da limpeza das veiras do río Pesqueiras, entendemos por encarga da CHMS. De todos modos a CHMS segue sen dar resposta á pregunta feita dende a asociación e descoñécese o estado analítico das augas.
PETICIÓN AOS PARTIDOS POLÍTICOS DA CREACIÓN DUNHA ORDENANZA MUNICIPAL QUE PROHIBA A PLANTACIÓN DO EUCALIPTO.
A Asociación Veciñal do Saviñao diríxese á Alcaldía e aos tres partidos políticos que configuran a Corporación Municipal, coa intención de solicitar a creación dunha ordenanza municipal que prohiba a plantación do eucalipto no territorio municipal.
Dado que se están observando pequenas plantacións recentes de eucaliptos en distintos lugares do municipio, pese á existencia dun decreto da Xunta de Galicia de decembro do 2016, no que se prohibe a plantación desta especie na área forestal VIII, á que pertencemos, dende a nosa Asociación consideramos que o Concello debe esixir o cumprimento do decreto e velar polos intereses do conxunto da veciñanza fronte aos intereses económicos individuais.
O rexeitamento da plantación de eucalipto no noso municipio obedece ás seguintes razóns:
A Asociacion Veciñal solicita a integración na Plataforma polo ferrocarril de Lemos.
A Asociación Veciñal do Saviñao, diríxese á Plataforma na Defensa do Ferrocarril Público da comarca de Lemos, coa finalidade de integrarse en dita plataforma e colaborar na medida do posible na potenciación e mellora deste trasporte na comarca á que pertencemos.
Con data do 7 de decembro do presente ano, acordouse na asamblea da asociación solicitar a incorporación á Plataforma.
Considerando a ubicación estratéxica de Monforte de Lemos na rede de ferrocarril da comunidade, non entendemos como non se potencia o tren de cercanías de viaxeiros, moito máis económico, seguro e ecolóxico que o trasporte por estrada. Asemesmo débese aproveitar o trazado do Eixe Atlántico para mercadorías, dándolle sentido e proveito ó inutilizado Porto Seco de Monforte.
Dende a asociación solidarizámonos coa Plataforma por canto, como veciños da comarca, precisamos dunha rede de trens fluída e práctica para garantir a comunicación co resto da provincia e da comunidade, e para facilitar a distribución de todo canto se produze na nos aterra.
En Escairón, ( O Saviñao ) a 28 de decembro do 2018.
Con data do 7 de decembro do presente ano, acordouse na asamblea da asociación solicitar a incorporación á Plataforma.
Considerando a ubicación estratéxica de Monforte de Lemos na rede de ferrocarril da comunidade, non entendemos como non se potencia o tren de cercanías de viaxeiros, moito máis económico, seguro e ecolóxico que o trasporte por estrada. Asemesmo débese aproveitar o trazado do Eixe Atlántico para mercadorías, dándolle sentido e proveito ó inutilizado Porto Seco de Monforte.
Dende a asociación solidarizámonos coa Plataforma por canto, como veciños da comarca, precisamos dunha rede de trens fluída e práctica para garantir a comunicación co resto da provincia e da comunidade, e para facilitar a distribución de todo canto se produze na nos aterra.
En Escairón, ( O Saviñao ) a 28 de decembro do 2018.
DE NOVO AMEAZAN CON DERIVAR A AUTOVÍA DE MONFORTE A OURENSE POLO SAVIÑAO E CHANTADA.
De novo planea a ameaza de derivar esta autovía polo noso concello, o que nos obriga a responder cos argumentos que xa emitíramos no 2014. Hai interese mostrado polos alcaldes de O Barco e de Monforte en derivala pola estrada entre Monforte e Chantada, ou o que é o mesmo, derivar a A-76 polo traxecto da proxectada A-72, despois de acodir unilateralmente ó Ministerio de Fomento. A esa proposta xa se opuxeron os concellos de Pantón e Sober, así como algunhas das asociacións veciñais de Monforte., como tamén se posicionaron a favor o alcalde de Chantada e o presidente dos empresarios chantadinos.Esta é a nosa postura e parecer:
A Asociación Veciñal do Saviñao, despois de analizar o publicado nestes días referente ao trazado da autovía A-76, diríxese aos medios de comunicación comarcais para trasmitir o sentir veciñal de rexeite frontal á incoerente proposta do Alcalde de Monforte ante o Ministerio de Fomento de derivar o recorrido entre Monforte e Ourense polos municipios do Saviñao e Chantada, tal e como recollía o descartado proxecto da A-72.
En setembro do 2014 a nosa asociación xa trasmitira ó Ministerio de Fomento os argumentos polos que nos opoñíamos a esa innecesaria e cara obra pública.
Coa presente nota de prensa queremos manifestar os motivos do rexeite a esta improvisada e non consensuada proposta:
A ASOCIACIÓN VECIÑAL DENUNCIA GRAVES DEFICINCIAS DE MANTEMENTO NO CENTRO DE SAÚDE DE ESCAIRÓN, ASÍ COMO A ALARMANTE CARENCIA DE INVESTIMENTOS POR PARTE DO CONCELLO.
Na data de hoxe, lúns 17 de decembro, os veciños do Saviñao sufriron a carencia de calefacción no Centro de Saúde, feito que se leva repetindo dunha maneira preocupante durante todo este outono. A causa radica no ineficiente sistema de calefacción de biomasa recentemente estreado no concello, pero a Alcaldía non parece ofrecer solución. Pero neste lúns negro non foi a única incomodidade sufrida polos pacientes. Engadíuse a carencia de luz e os contínuos cortes ( denunciados pola asociación, sen resposta ), co que as consultas estiveron inoperantes boa parte da mañán.
A asociación veciñal ven reclamando nos últimos catro anos reformas no centro de saúde. Agora quérenos contentar coa construcción dun novo edificio, pero haberá que esperar como mínimo ata o 2020 para velo funcionado. ¿ teremos que soportar todo este tempo as contínuas derramas, o frio e condicións mais propias doutro século ?.
Preocúpanos que estas carencias nos servizos públicos contrastan co afán recadatorio que leva aplicando esta corporación. Sopórtase un IBI elevadísimo, incrementáronse todas as tasas municipais, co que existe superávit nas contas. Pero esta bonanza económica non repercute nos veciños xa que non existe investimento algún desta corporación municipal. Pola contra, sopórtanse tres dedicacións exclusivas e outra media, algo desproporcionado para un concello de 3.850 habitantes.
Nas vísperas dunhas eleccións municipais a actúal corporación parece máis interesada en organizar citas culinarias populistas que en solucionar as graves carencias e os problemas cotiáns dos veciños. Unha xestión global do Alcalde que pode catalogarse de NEFASTA:
GRETAS NA IGREXA ROMÁNICA DE SANTO ESTEVO. SOLICITAMOS VIXIANZA E SEGUIMENTO DAS MESMAS.
Dacordo cun dos obxetivos da asociación , como é a protección do patrimonio do municipio, e a iniciativa da nosa asociada Silvia Ayestarán, interesada e profesional en temas patrimoniais , na data do luns 17 de outubro do 2016 diriximos díante da Consellería de Cultura a solicitude para que se faga unha vixianza e seguemento das gretas detectadas en distintos puntos do templo. Concretamente na escaleira de acceso interior ao rosetón , na parte interna da ábsida, e nas arquivoltas da fachada principal .
Trátase de reclamar da institución civil responsable que se coordine un seguemento da evolución destas gretas que permita rápidas actuacións no caso de detectar un empeoramento das mesmas . Santo Estevo é ún dos edificios románicos máis emblemáticos da Ribeira da Sacra .
Anteriormente xa nos dirixíramos díante de Patrimonio cando acontecera o derrubo da fachada do Pazo Bispal de Diomondi, ou cando alertamos da crecente inclinación dun ortostato do dolmen de Abuíme. Sigue leyendo
¿ PARA CANDO A PROMETIDA RESIDENCIA PARA MAIORES EN ESCAIRÓN ?
Na data do 2 de xuño rexistramos envio de pregunta á Deputación Provoncial acerca de si existe intención de construir una residencia para maiores en Escairón. Pasados xa 7 anos dende a firma do convenio entre Deputación e Concello para a construcción dunha residencia, puiblicitada como una realidade inmediata e executada a compra do solar no fondo da Devesa pola Deputación, vemos como as dúas partes incumpliron o firmado no convenio. Nin a Deputación presentou o proxecto de obra , nin solicitou o permiso, nin o Concello aportou a primeira entrega dos 200.000 € acordados.
Úns polos outros e o noso municipio carece deste servizo esencial, e os veciños do Saviñao temos que andar buscando un lugar de reposo ou un centro de día para os nosos maiores nos municipios aledaños, cousa non doada de conseguir.
Recordamos que Dona Maruja Somoza deixara no seu testamento a doación do edificio da praza Maior de Escairón para a construcción dunha residencia para os maiores de todo o Saviñao. O que non se esperaba , nin ela nin os veciños, é que esa residencia ía ser entregada polo Alcalde a una empresa privada, en forma de “ apartamentos tutelados “, sin posibilidade de concerto e a un custo de 1.500 € por praza, co que exclúe á pràctica totalidade da poboación maior do noso territorio, cunhas pensións agrarias moi alonxadas desa cifra.
OS VECIÑOS RECLAMAN MEDIDAS DE SEGURIDADE VIAL NO BARRIO DE CABREIRA EN ESCAIRÓN.
O pasado luns 26 de marzo vimos de rexistrar no concello unha solicitude de mellora da seguridade vial no barrio de Cabreira en Escairón, despois de recollida a queixa formulada por veciños daquel barrio, Adxuntamos copia da solicitude.
EXPOÑENDO :
Recentemente recíbiuse na asociación unha queixa dos veciños do barrio de Cabreira pola velocidade coa que pasan o coches pola entrada a Escairón dende A Páxara, co perigo añadido da presenza dun paso de peóns próximo á panadería Avenida e á saída dunha curva.
Asemesmo relatan que a sinal que limita a velocidade a 40 está deteriorada e colocada nun lugar onde casi non se vé.
Tamén solicitan o cumprimento da proibición de estacionamento alternativo quincenal a cadaún lado da Avenida Buenos Aires, na proximidade do cruz e do Café Moderno. É evidente que a sinal actual a día de hoxe está tan oxidada que xa non se ven os números dos días que indicaban a proibición .
ALEGACIÓNS PRESENTADAS Á DECLARACIÓN BIC DA RIBEIRA SACRA
O 19 de marzo envíamos á Dirección Xeral do Patrimonio da Consellería de Cultura as alegacións á relación de bens a incluir como bens de protección da paisaxe cultural ( BIC ) da Ribeira Sacra, previa á proposta a Patrimonio da Humanidade.
Indicamos a omisión dalgúns elementos medievais e románicos do noso concello, así como doutros elementos patrimoniais de interese dentro do noso territorio municipal. tamén rexistramos no concello esta relación, para que teñan coñecemento das omisións detectadas.
A Asociación Veciñal do Saviñao, inscrita co nº 13651 no rexistro provincial de asociacións de Lugo, e co nº 14 no rexistro municipal do Saviñao, a traves da súa Presidenta, Celia Ferreiro Riazor con DNI 33.812.714 T, diríxese á Subdirección Xeral de Protección do Patrimonio Cultural, da Consellería de Cultura, Educación e Ordenación Universitaria e,
EXPOÑEMOS:
Que Segundo o anunciado no DOG num. 246, do venres 29 de decembro do 2017, incóase expediente para declarar a Ribeira Sacra ben de interese cultural ( BIC ).
Que dentro do prazo de tres meses que se lle concede ás institucións e persoas xurídicas formulamos as seguintes
ALEGACIÓNS :
FUTURO DO RÍO PESQUEIRAS : REXENERAR A VIDA NATURAL DUN RÍO
Estamos a primeios do 2018 e continúan as obras de construción da necesaria depuradora na planta de CELEGA que se iniciaran a primeiros do setembro pasado. Con esta obra espérase que remate dunha vez por todas o pesadelo dun río morto e cheirento, e que os veciños e visitantes do Saviñao non teñan que soportar a pestilencia e degradación dunha fonte de vida.
Agora compre recuperar sa condicións biolóxicas naturais e consustanciais a un cauce fluvial.
Xa no 21 de xuño do 2017 a europarlamentaria Lidia Senra levara ó Parlamento Europeo o tema da persistente contaminación deste afluente do Miño. Daquela a Comisión europea respostara que estaban evaluando a resposta das autoridades españolas e esperaba ver cumpridas as diretrices europeas na materia da calidade das augas, evaluando despois as medidas propostas.
pregunta de Lidia Senra ( 21 de xuño do 2017 )
resposta a Lidia Senra ( 16 de agosto do 2017 )
A primeiros do 2018 coñecemos que o tema do río Pesqueiras foi levado ao Congreso dos Deputados. Na data do 15 de decembro do pasado ano o grupo Podemos-En Marea presenta unha Proposta non de lei solicitando o cese inmediato dos vertidos contaminantes e a aprobación dun Plan de Rexeneración e Limpeza do río. O Congreso dos Deputados español insta ao Ministerio-Confederación Hidrográfica Miño-Sil a aprobar un Plan de Rexeneración e Limpeza do río. Esta resolución acércanos a posibilidade de voltar a ver un río vivo, e reconfórtanos despois de dous longos anos de rabia, traballos e actuacións.
MAPA DO SAVIÑAO
