A Asociación Veciñal do Saviñao, díante da alarma pola turbidez e opacidade das augas de consumo doméstico durante todo o mes de xullo do 2012, dirixe denuncia díante da Confederación Hidrográfica Miño-Sil, para solicitar analise da salubridade das mesmas así como das causas ou orixe desta anomalía.

Recibidas queixas veciñais polas cualidades da auga da traida, que ven obscura e negruzca, así como pola alarma que orixina a permanencia durante todo este mes destas características, acodese a comprobar a auga dos cauces fluviais de onde procede a traida. No lugar de captación no río Sardiñeira en Eirexafeita o cauce vai totalmente opaco con tonalidade negruzca que impide ver o leito empedrado do río aínda en puntos onde non hai mías que 30 cm. de profundidade. Augas arriba, no lugar da Veiga (Cazón) compróbanse as mesmas características. Acódese aínda máis arriba, esta vez no río Portiño, afluente do Sardiñeira, o seu paso polo Ourigo e as características da auga son aínda peores, fluíndo o cauce totalmente negro.

A asociación solicita analise da auga de consumo doméstico así como das augas dos cauces fluviais para descartar algún verquido ilegal e determinar o orixe do mesmo, así como para tranquilizar á poboación e garantir a potabilidade da auga. Acode a TVG a facer unha noticia no lugar sinalado así como no centro de Escairón, verificando a opacidade da auga.

Un mes despois responde a Confederación Hidrográfica que a turbidez das augas ten a súa orixe nas tornmentas e arrastre de terras provocado polas correntías.

Na asociación veciñal recibíronse varias inquedanzas acerca da preocupación dos veciños polo deterioro das estradas e de certos camiños veciñais por donde se está a sacar a derivación eléctrica de media tensión da planta solar de Seteventos , que , aínda que vai soterrada , ocasionou a desaparición de boa parte da banda de rodadura da estrada entre  o cementerio da Portela e A Touza na parroquia de Piñeiró , así como a desfeita de paredes e balados de propiedade particular e deterioro dalgúns camiños .

Tamén estan intransitables e descarnados os viais de acceso a Mosiños dende a estrada de Monforte e deiquí ata Seteventos , así como a estrada entre Seteventos e Abuíme , desfeitas dende o inicio das obras do parque solar , fai xa tres anos .

SOLICÍTASE :

Aclaración , cara a tranquilizar ós veciños  , acerca de quen será a autoridade responsable da reparación das infraestructuras deterioradas , si será a empresa responsable Solidaridad Solar ou ben  si será o Concello  quen asumirá a reposición dos viales tal e como estaban denantes de ditas obras . Cremos que o feito de ser declarada de Interese Municipal non exime da reparación e acondicionamento das infraestructuras deterioradas na súa implantación .

Na espera de resposta , despédese de Vde. Violeta Perez Figueroa , presidenta da asociación vecinal . En Escairón , a 7 de xuño do 2012

A Asociación veciñal do Saviñao manifesta o seu apoio aos veciños e veciñas do lugar de Torno, pertencente á parroquia de Pesqueiras, no Saviñao, os cales rexeitan a instalación dunha subestación eléctrica vinculada coa empresa de enerxía Solidaridad Solar.

Esta empresa caracterizouse dende o principio por incumprir os procedementos legais: informes de impacto ambiental, de patrimonio, etc, sempre por razón de urxencia temporal e alegando o interés xeral que a corporación lle otorgou.

Nin a empresa nin o Concello se puxeron en contacto cos veciños, que se enteraron das intencións da empresa ao ter noticia da venda do terreo en que se pretende asentar a subestación e, posteriormente, ao ver publicado no Diario Oficial de Galicia do 1 de decembro un anuncio da Consellería de Economía e Industria polo que se somete a exposición pública a petición de autorización da antedita instalación eléctrica.

Os afectados fixeron unha reclamación dirixida á Consellería de Economía e Industria na que se recollían os seguintes argumentos en contra da subestación:

Primeiramente, o perigo que supón para a saúde das persoas que viven nas proximidades, a menos de 50 m., xa que o proxecto non garda as distancias de seguridade coas vivendas. Como consecuencia indirecta deste incumprimento, alegouse que as propiedades colindantes se verán devaluadas.

Segundo: A distancia de esta instalación ás dúas estradas que a bordean non é a legalmente establecida.

En terceiro lugar, a lexislación non admite ese tipo de uso industrial en solo rústico, que é como está catalogado o terreo en cuestión.

A resposta foi que esa instalación non era nociva, xa que o nivel de emisión de radiacións electromagnéticas é o mesmo que se da en calquera casa que teña electrificación e os electrodomésticos de uso común.

Con relación ás consideracións legais, a Consellería contesta que o Concello dera o seu informe positivo e que polo tanto non había máis que dicir. A este respecto, chama a atención a denegación dun permiso para a instalación dun taller artesanal de restauración a cen metros dese solar, alegando a mesma razón que agora rexeitan, é dicir, que en solo rústico non se permiten instalacións industriais.

A asociación non admite nin as respostas da Consellería, que xustifican irregularidades e minimizan os riscos para a saúde; nin as formas con que a empresa Solidaridade Solar e o Concello do Saviñao acometeron a construcción da subestación, quenes antes de iniciar as obras deberan tratar cos veciños máis próximos ou buscar outra ubicación menos conflictiva. Manifesta, polo tanto, o seu apoio aos habitantes do lugar, que da noite á mañá ven como lles constrúen ao pé da casa unha instalación nociva, molesta e contraria á lexislación.

Maio do 2012.

A día de hoxe, esa obra non se iniciou, o que demostra que non contaban cos permisos obrigatorios. Pero ten que ser o veciño quen se impoña ás ilegalidades cometidas e amparadas.

1ª solicitude arranxo local sindicatos

2ª solicitude arranxo local sindicatos

Reunión co alcalde

Segundo soupemos na última reunión mantida co alcalde no 2012, o local pertece á Xunta de Galicia, quen propuxo unha subasta do mesmo partindo dun valor de 200.000 €. Comenta asemesmo que o concello intentou introducilo no Plan Leader, pero foi rexeitado por non ter a titulridade do local.

Pese a estar recollido nos dereitos veciñais do ROF e da LRBRL que a corporación facilitará locais ás distintas asociacións, non se está a cumplir. De esta maneira seremos a única parroquia de todo o Saviñao que carece de un local social para as moitas asociacións que aquí o precisan.

Continuaremos na procura de este dereito veciñal.

A Asociación Veciñal do Saviñao diríxese díante da Alcaldía do Concello do Saviñao coa finalidade de

EXPOÑER:

Observando a cantidade de accidentes en forma de incendios en domicilios e vivendas que acontecen durante todo o ano na nosa comarca e no resto da comunidade galega; e dado o deplorable estado das instalacións eléctricas de moitas das vivendas do rural; e engadindo que no noso concello non existe un servizo permanente que poida atender unha urxencia en forma de lume, pois tan só se dispón dunha carroceta e un pick-up cun limitado depósito e cunha disponibilidade limitada ó horario laboral (non as 24 horas), e dado que tampoco se dispón dun equipo de Protección Civil nin tampouco dos GRUMIR xa que de ambos se prescindíu no seu momento por parte da Corporación.

SOLICÍTASE:

Se inícien os trámites para solicitar dende o Concello a inclusión do Saviñao na Mancomunidade do Parque de Bombeiros de Monforte para así ter a garantía dunha resposta rápida, continuada no tempo e profesional díante dunha potencial emerxencia en forma de lume nas vivendas de calesquera lugar da ampla xeografia do noso municipio.

Esperando se inicien os trámites para a solución desta importante carencia de servizos no noso concello, despédese atentamente de Vde. o presidente da asociación. En Escairón a 15 de novembro do 2011.

Díante do incendio localizado nas proximidades da Broza no Saviñao na tarde noite do 30 de setembro e do localizado nos Amieiros, a Asociación Veciñal do Saviñao recrimina a falta de sentido común por parte da Consellería de Medio Rural na retirada das brigadas de SEAGA.

O ano 2011 foi especialmente seco, pero e que tamén foi o ano que se empezou coa tixeira dos recortes en todo o público. Aquí esa mistura explosiva tivo como consecuencia que no mes de setembro, cando a sequía estival alcanza o culmen e os riscos de lume son máximos, a Consellería de Medio Ambiente suprimira os contratos coas brigadas de apoio ós medios antiincendios.

E foi precisamente nese mes cando vimos no ceo as columnas de fume que delataban os incendios da Broza e dos Amieiros. Non compredimos como na tempada de máximo risco se prescindíu de persoal contra o lume e queixámonos nos medios de comunicación.

Cando estamos no mes de maior e máis alto risco de incendios, incrementado este polo ano especialmente seco que estamos a pasar, coas evidentes consecuencias sobre a vexetación, consideráse unha neglixencia e un abandono do medio rural galego a retirada prematura das brigadas forestais, cando aínda non se coñece o fín da tempada estival.

Asistimos a outra mostra máis dos recortes que estan a aplicar sobre todo o entramado dos servizos públicos. Esta vez coa disculpa do aforro miserable duns soldos temporais, deixanse abandoadas á sua sorte e desprotexidas as zonas forestais e rurais da nosa comunidade, expostas ós coñecidos e de sobra sabidos riscos de incendios. Parece que a desastrosa experiencia dos incendios de fai uns anos non enseñou nada ós nosos responsables políticos e caese outra vez máis nos mesmos erros. Si xa se iniciara rácana a tempada contra o lume prescindindo da función preventiva da presenza do exercito, agora acortouse a protección que a presenza das brigadas ofrecia nestas terras consideradas de Alto Risco de incendios.

Sigue leyendo →

A Asociación Veciñal do Saviñao denuncia nos medios de comunicación a reanudación das obras da instalación da antena de telefonía movil en Licín a cargo da empresa France Telecom por carecer dos permisos pertinentes .

No pasado mércores día 7 os veciños afectados por dita antena paralizaron as obras da instalación electrica da antena xa anteriormente denunciada , levantando acta e denunciando díante da Garda Civil a carencia dos permisos pertinentes , tanto da licencia municipal como da autorización da Consellería de Industria .

Con anterioridade , no mes de abril , os veciños dos lugares da parroquia de Licín xa pararan a obra unha vez que fora colocada a estructura metálica da antena , o carecer das autorizacións necesarias e por considerar unha ameaza para a saúde dos habitantes dos lugares máis próximos : A Pousada , Pacio , A Hermida , A Cavada e A Páxara . Por aquelas a obra fora iniciada aínda no periodo de alegacións e precisamente neste prazo os veciños a título personal e a mesma Asociación Veciñal presentaron as alegacións pertinentes , quedando a instalación parada ata esta mesma semana .

A asociación veciñal apoia e solidarízase cos veciños o considerar que son eles quenes deben decidir sobre as condicións do entorno onde viven , como usufructuarios históricos do territorio teñen o dereito a rexeitar todo o que consideren unha ameaza para a saúde  , e nesta ocasión así é percibido . Aínda por díante dos intereses da empresa de telecomunicacións e do particular que se beneficiaría do arrendamento desa   terra , son os veciños quenes perciben unha ameaza para a súa saúde e non están dispostos a permitir esa instalación , chegando onde sexa preciso ó ser a TOTALIDADE dos veciños quenes se sinten afectados e estando dispostos a movilizarse .

A asociación veciñal defende o dereito dos nativos a decidir sobre as condicións do entorno onde desenvolven a súa vida a cotío .

Sigue leyendo →

A Asociación Veciñal do Saviñao diríxese a Alcaldía do concello do Saviñao co ánimo de

EXPOÑER:

Que como estamos inmersos na época estival, con amplo risco de que se produzan incendios nos nosos montes, e dado que actualmente só existe no municipio unha boca de rego ancha capacitada para adaptar mangueiras das motobombas dos vehículos contra os incendios, e por riba, esta é de propiedade privada.

SOLICÍTASE:

Apertura de, alomenos, dúas bocas de rego ubicadas en Escairón e en Currelos, en lugares accesibles e adaptadas á conexión coas mangueiras das motobombas, para que estas poidan facer rapidamente as funcións de captación de auga coa finalidade de actuar o máis rápido posible e facilitar unha maniobra que, de non ser axil, pode retrasar as labores de sofocación de incendios.

Na espera de que se cumpla tan elemental requisito e polo ben da funcionalidade dos servizos e do benestar de todolos veciños, despídese atentamente o presidente da asociación vecinal. En Escairon a 18 de xullo do 2010.

A/A do Sr. Alcalde – Presidente do concello do Saviñao.

A Asociación Veciñal do Saviñao no cumplimento dun dos seus obxetivos como é a busca da máxima cohesión interparroquial, diríxese ó Alcalde e máximo representante da corporación municipal de O Saviñao para

EXPOÑER:

Que dada a dispersión e atomización da poboación do noso concello, dada a grande extensión do territorio municipal e, en moitos casos, a dificultade de acceso e a soledade dalgúns lugares, agravado polo envellecemento e abandono das aldeas; debe prestarse atención especial e prioritaria a comunicación de todos os lugares e puntos habitados para evitar que se produzan estados de segregación e olvido.

No noso concello non existe medio de comunicación de imaxe ou són (radio), e aínda que no futuro máis inmediato a internet debe ser o medio de contacto dos máis novos veciños, namentras esto non se produza son os taboeiros os que fan de soporte da comunicación. Poidemos comprobar que na maior parte dos lugares os taboeiros dunha sinxela madeira contrachapada estan xa moi abalsados e deteriorados polos medios naturais e o paso do tempo, e que en moitos outros a costume veciñal estableceo como puntos de información os paos de madeira do alumado público.

Coa finalidade de actualizar esta infraestructura que consideramos básica

SOLICÍTASE:

Que dende o concello se preste a atención que este tema merece e se procure na administración provincial ou autonómica a dotación duns taboeiros de anuncio sólidos e resistentes as incremencias metereolóxicas, asi como a ubicación destes en todos os lugares onde por tradición e costume os veciños veñen colocando a cotío as novas procurando a cobertura total do habitat.

Na espera de que esta solicitude de procura de comunicación e de achegamento interveciñal non se dilate no tempo, depídese atentamente o presidente da asociación.

Dende a asociación entregouse un presuposto duns paneis de PVC. Esta solicitude feita en marzo do 2010 tivo resposta positiva por parte do concello e colocáronse taboeiros de madeira en case todos os lugares do amplo territorio municipal. Extráñanos certas carencias como en Aiaz, Currelos, Rebordondiego, Galegos, Diomondi.